Panget sa Paningin

Marami sa paligid natin ngayon ang hindi kaaya-ayang tignan. Ang iba sa kanila ay natatago sa magulong syudad na ginagalawan natin. Ang iba naman ay nalalantad na sa harap ng bawat isa, pero hindi pa rin ito nabibigyan ng atensyon. Kelan kaya natin sila makikita?

            Lingid sa ating mga kaalaman na mayroon pa palang ibang uri ng polusyon na matatagpuan sa ating kapaligiran. Karamihan sa atin ay tatatlo lamang ang alam na uri ng polusyon- at iyon ay ang land, water at air pollution.  Pero kung bibigyan natin ng ilang sandali ng atensyon ang mga nakakainisn na polusyon na ito, malalaman nating may iba pa palang uri ng nakakadiring polusyon. 

            Isa na dito ang biswal na polusyon. Kapag nakakita ka ng isang bagay sa labas ng iyong bahay na hindi kaaya-ayang tignan, iyon na mismo iyon. Ayon sa isa nating mapagkakatiwalaang source ng impormasyon, ang polusyong biswal ay isang termino na ibinibigay sa mga panget at paepal na mga elemento na gawa ng tao sa isang lugar na o isang landscape. Basta kahit anong bagay na hindi mo nagugustuhang tignan, polusyong biswal na iyon. Karaniwang halimbawa nito ay ang mga naglalakihang billboard na makikita mo sa kahabaan ng EDSA.

            Marami pang eksampol ng polusyong biswal na makikita dito sa kalawakan ng Maynila. At ang pinakasikat dito ay ang mga mala-ispageting electric wires ng mga sambahayan. Ang epal tignan di ba? Nakakaasar ng tignan, delikado pa sa buhay ng mga tao. Karamihan ng mga electric wires na nagmumuka ng sapot ni Spiderman dahil sa sobrang pagkakabuhol-buhol ay matatagpuan sa mga pinakamahihirap na parte ng syudad- ang iskwaters area o sa lugar ng mga informal settlers.

            Sino ang hindi nagugulihanan sa mga buhol-buhol na kableng ito? Hindi mo sigurado kung kelan ito maaring pumutok at pagsimulan ng matinding sunog. Nakakatakot di ba? Ilan lang yan sa napakaraming disgrasya na pwedeng iregalo sa atin ng uri ng polusyon na ito. 

            Hindi porket mata lang ang pineperwisyo ng polusyong biswal, hindi na natin ito dapat bigyan ng atensyon. Hindi natin maaaring ipagsawalang bahala ang mga kaepalan na nagagawa ng mga tao sa araw-araw. Kung hindi natin ito bibigyan ng solusyon ngayon, baka balang-araw ay singilin na lang tayo nito ng biglaan at siguradong hindi natin ito magugustuhan. Kaya kapag may napansin kang panget, sabihin mo- POLUSYONG BISWAL, pagagandahin kita!!!

-- Villaruel Jr.