NAGSUNOG NA NAMAN OH!

Naku naman! Paano nanaman ang kalikasan nito? Yung hangin? Yung mga makakalanghap ng usok ng basura na yan? Grabe naman kaibigan! Kung sino man gumawa neto hindi iniisip mga magiging epekto. Ok iisa-isahin ko. BASAHIN MO!    

            Una sa lahat maraming nagiging bunga ang polusyon sa hangin. Isa rito ay ang ulang asido. Nangyayari ito kung may mga mapaminsalang kemikal tulad ng SO2 (Sulfur Dioxide). Na sadyang banta sa kalusugan ng tao.Ilan sa mga sakit na maaring idulot ng smog ay asma, empaysima, bronkaytis at maari din maging sanhi ng pag-uubo at mga alergies.
 

            Eto pa ah.. dahil din sa usok ng pagsusunog na yan nakakapagpakapal yan ng green house gases. Alam mo ung green house gases? Ang green house gases ay ang init na nagmumula sa araw ay nakukulong sa mundo na dapat ay bumabalik sa kalawakan dahil sa sobrang init na ating nararamdaman marami ang nagiging epekto nito sa kalikasan at sa mga tao  gets?

                  Sinasabi rin na ang green house gases ay lumalaganap dahil sa apat na dahilan. Paglaki ng trapiko, pagunlad ng mga siyudad, mabilis na pag-usbong ng mga ekonomiya ng maraming bansa at ang industriyalisasyon pero tanong bakit kasi kailangan pa na sunugin yan? Eh my basurahan naman di ba?

                  Pero- pero. May mga batas naman na sakop yung pagsusunog ng basura, Ito ay matapos na matagumpay na maisaganap ang Forum ukol sa Bantay Sunog Basura na inilunsad ng Environmental Management Bureau (EMB) ng Department of Environment and Natural Resources (DENR), sa pakikipagtulungan ng National Solid Waste Management Commission (NSWMC) – Secretariat.

            Ito ay sa ilalim ng Republic Act No. 9003, o ng Ecological Solid Waste Management Act, at sa Republic Act No. 8749, o ng Philippine Clean Air Act. Eto ang kampanyang Bantay Sunog Basura ay inilunsad sa ilalim ng Programang Linis Hangin noong Nobyembre ng 2004.Pinapatupad na yan sa ibang lugar dito sa maynila katulad sa San Juan. May multa doon na P500.00 hanggang P1000.00 pesos, sa Quezon city P1000.00 to P3000.00 naman, at sa Navotas P500.00 hanggang P1000.00 din. Mahal di ba?

            So ano mga kaIsip Berde? Alam na ha?! Dapat nating iwasan ang labis na pagsusunog ng basura dahil sa simpleng bagay na ito ay maraming naaapektuhan at isa rin ito sa nagiging dahilan ng mga sakuna sa ating mundo ok? 

-- Obniala