EXPIRATION DATE

Lahat daw ng bagay sa mundo ay may katapusan.

Tama nga naman. Maski nga ang mundong tinitirhan natin, ginagalawan natin, at sinisira natin ay may katapusan din.

May hangganan.

May ending.

May expiration date.

Mula pa noong unang panahon, marami na ang naniniwalang ang katapusan ng mundo ay sadyang nalalapit na. Maraming prediksyon o hula ang nagsilutangan at nagsulputan. Karamihan sa kanila ay nagmula sa iba’t ibang uri ng pananampalataya, takot at hindi mapagkakatiwalaang kaalaman.

Halina’t muli nating balikan ang mga nagllakihang epic fail na hula sa petsa ng end of the world! Panuorin niyo.

End date: 2800 BC

Nagsabi: Ang mga Assyrian

Isang lumang tableta na gawa ng mga Assyrian na pinaniniwalaang nalikha noong 2800 BC ang nahukay. Sa tabletang ito nakaukit ang mga itinagalog na salitang…

“Ang mundo ay nasisira na sa mga nagdaang araw. Maraming senyales na ang lumutang tungkol sa mabilis na pagkawasak ng mundo. Ang mga panunuhol at korapsyon ay nagkalat na.”

Anyare? FAIL!

End date: January 1, 1000

Nagsabi: Pope Sylvester II

Maraming Kristiyano sa Europa ang naniniwalang mangyayari ang katapusan ng daigdig sa petsang Enero 1, 1000.

Anyare? FAIL!

End date: 1033

Nagsabi: Ibang Kristiyano

May ibang naniniwalang ang taong ito ay ang ika-sanlibong anibersaryo ng pagkamatay at muling pagkabuhay ni Hesu Kristo at ang muling pagbabalik ay inaasahan nila.

Anyare? FAIL!

End date: 1284

Nagsabi: Pope Innocent III

Hinulaan ni Pope Innocent III na magugunaw ang daigdig eksaktong anim na raan at anim napu’t anim na taon matapos ang pag-angat ng relihiyong Islam.

Anyare? FAIL!

End date:  1346-1351

Nagsabi: Ibang taga-Europa

Ang “Black Plague” na kumalat noon sa Europa ay pinagkamalan ng marami na isang senyales ng End of the World.

 Anyare? FAIL!

End date: 1600

Nagsabi: Martin Luther

Isang iconic figure ng samahang “Protestant reformation” na siyang nanghula na ang katapusan ng mundo ay mangyayari bago o hindi lalagpas ng taong 1600.

Anyare? FAIL!

End date: 1688

Nagsabi: John Napier

Kinalkula ng mathematician na ito ang katapusan ng daigdig base sa Libro ng Rebelasyon.

Anyare? FAIL!

End date: 1658

Nagsabi: Christopher Columbus

Sinabi niyang ang daigdig ay nalikha noong 5343 BC at tatagal lamang ng 7,000 na taon. Iginiit niyang walang “Year 0”, ibigsabihin ang katapusan ay darating sa taong 1658.

Anyare? FAIL!

End date: 1890-1891

Nagsabi: Joseph Smith

Ang bumuo ng samahang “Day Saint Movement” ay nagkaroon ng prediksyon na ang muling pagbabalik ay mangyayari sa taong 1890 o sa 1891.

Anyare? FAIL!

End dates: September 6, 1994

                    September 29, 1994

                    October 2, 1994

Pasimuno: Harold Camping

Hinulaan niyang ang “The Rapture” ay mangyayari sa petsang September 6, 1994. Nang hindi mangyari, binago niya ang petsa sa araw ng September 29, 1994 at kinalaunan, ginawang October 2, 1994.

Anyare? Triple Kill ang FAIL!!!

End date: March 31, 1995

Pasimuno: Harold Camping (na naman?)

Ang ikaapat niyang prediksyon sa eksaktong petsa ng expiration date ng daigdig ayu noong Marso 31, 1995.

Anyare? FAIL ULET!!! (dominating na!)

End date: July 1999

Pasimuno: Nostradamus

Isang prediksyon ni Nostradamus na nagsasabing “The king of terror would come from the sky in 1999 and seven months” ay nagdulot ng takot sa buong mundo.

Anyare? Syempre FAIL!

End date: January 1, 2000

Pasimuno: Iba’t ibang tao

Ang “Year 2k Computer Bug” ay hinulaang magdudulot ng computer crashes, major catastrophe at siyempre, pagkagunaw ng daigdig.

Anyare? FAIL pa rin!

End date: April 29, 2007

Pasimuno: Pat Robertson

Sa kanyang libro noong 1990 na pinamagatang The New Millennium, sinabi niyang ang petsang ito ang katapusan ng mundo.

Anyare? FAIL!

End date: May 21, 2011

Pasimuno: Harold Camping (ulet?!)

Hinulaan niyang ang The Rapture at ang mga mapangwasak na lindol ay mangyayari sa nasabing petsa. Sinabi pa niyang kukunin ng Panginoon ang tatlong porsiyento ng populasyon ng daigdig at mangyayari daw ang katapusan makalipas ang limang buwan.

Anyare? FAIL ULET!!! (megakill!)

End date: October 21, 2011

Pasimuno: Harold Camping (makulet!)

Nang hindi mangyari ang ikalima niyang prediksyon ukol sa pagkagunaw ng mundo, ni-revise niya ang ito at sinabing sa May 21 mangyayari ang “Spiritual Judgement” at ang “Physical Rapture” at ang “End of the World” ay mangyayari naman sa petsang October 21. 2011.

Anyare? SIX TIMES EPIC FAIL!!! (unstoppable!)

At ito na ang pinaka-latest!!!

End date: December 21, 2011

Pasimuno: Iba’t ibang tao

Ang pagtatapos ng Mayan Calendar at ang pag-iisang bilyong views ng Gangnam Style sa Youtube ay nagbigay sa atin ng iba’t ibang ideya kung paano magugunaw ang daigdig tulad ng Galactic Alignment, Geomagnetic Reversal ng mga Poles, pagbunggo ng Planet Nibiru, isang alien invasion, pagsabong ng supernova, pag-explode ng buwan at marami pang iba!

Anyare? Ano pa ba? Edi FAIL!!!

Kung inaakala ninyong ang “12-21-12 Phenomenon” na ang huling prediksyon ukol sa expitation date ng mundo, pwes! Nagkakamali kayo!

Mangilan-ngilan pang prediksyon sa petsa ng pagkagunaw ng mundo ang ibinigay ng mga tao at mga organisasyon mula sa nakaraan at sa kasalukuyan ang sadyang hihintayin pa rin natin upang mapatunayan.

Kabilang na dito ang:

End date: November 13, 2026

Pasimuno: Heinz Von Foerster

Ayon sa isang artikulo ni Foerster na napublished sa “Science Magazine” noong 1960, ito daw ang petsa na kung saan aabot na ang populasyon ng mundo sa estadong “infinity”, ang resulta ay ang sinasabing “Doomsday Equation”. Pero siya na mismo ang nagsabing wala itong katotohanan.

Posibleng anyare? Likely to FAIL!!!

End date: April 13, 2036

Pasimuno: National Aeronautics Space Administration

99942 Apophis: Kapag ang asteroid Apophis ay nagdaan sa one-half-mile-wide “Gravitation Keyhole” (isang region sa kalawakan malapit sa Earth) sa taong 2029, ang asteroid ay maaaring sumalpok sa daigdig sa petsang April 13, 2036. Base sa lokasyon at anggulo ng pagbagsak, magiging mapangwasak ang kahihinatnan.

Posibleng anyare? Mapagiisipan pa. (1 in 250,000)

End date: 3797

Pasimuno: Nostradamus

Sinasabing ang mga propesiya ni Nostradamus ay magtatapos na sa taong ito. Iniisip ng iba na marahil sa taong ito na rin magugunaw ang mundo.

Posibleng anyare? Hindi sigurado. May mga hulang tumama. May mga hula ring nag-fail.

Pero sa lahat ng prediksyon na nagsulputan, ito lang ang garantisadong mangyayari.

End date: Year 5,000,000,000

Pasimuno: Scientific Community

Ito ang end date ng current phase development ng Sun o ng araw. After nito, lalaki ang araw at magiging Red Giant at kakainin ang planetang Earth o kung hindi naman, susunugin ito. Ang teoryang ito ay tanggap na ng scientific community at sigurado silang mawawasak na ang mundo sa panahon na ito.

Posibleng anyare? Wala na tayong pakialam dyan. Deads na tayo nun.

Imbes na pagakisayahan natin ng oras ang mga nagsusulputang “End of the World” predictions, bakit hindi na lamang natin enjoyin ang buhay?

Live well! Enjoy! Be positive! Marami pang problema ang mas dapat na pagtuunan ng pansin. Mas magiging magaan ang buhay kung mareresolba natin ang mga problemang ito.

If all else fails, iisa lang din naman ang makakapitan natin- walang iba kundi ang nasa itaas! J

Bueno, ang makaberdeng aral sa episode na ito, kung ano ang meron sa’yo ngayon ay pahalagahan mo na at ipagpasalamat dahil kapag dumatin na ang expiration date nito, baka mahirapan ka nang maka-move on!

Which reminds me on the saying,

“Just believe in God and in yourself.”

Ito ang IsipBERDE!

Hindi na uso ang pa-conservative dahil lamang na ang may experience! :D

-          Villaruel Jr., Carbonell, Suelan Jr., Obniala at Salayo.

PERS TAYM

First time. 

Lintik na first time.

Karamihan sa ating mga Pilipino ay pinagkakaguluhan ang mga pinaka-first time hindi lamang ng mga paborito nating mga artista at mga politiko kundi pati ng mga taong nakapaligid sa atin.

Sa buhay ng tao, imposibleng mawala ang first time. Hindi mo maitatama ang isang bagay kung hindi ka nagkamali sa first time. Hindi ka magiging magaling kung hindi ka naging mangmang sa first time. Hindi ka matututo kung hindi ka nagtanda sa first time.

Ito ang ilan sa mga hinidi nating makakalimutang "first time".

First time mong tumambay.

First time mong magkacellphone.

First time mong gumala.

First time mong magkarelasyon.

(Pers Taym na mala-Hollywood sign ng Jollibee sa Baguio City.)

Sa buhay nating mga tao, normal lang ang makaranas ng first time, normal lang din ang magkamali sa first time. Ika nga "nobody is perfect". May katotohanan naman iyon. Pero uso naman ang second chances, malay mo maulit muli ang mga iyon at mabigyan ka pa ng isa pang pagkakataon. Doon mo na ito gawing tama.
No one is perfect but you can be excellent. Sa ibang salita, lahat ng indibidwal ay nagkakamali, pero may kakayahan tayong gawin itong tama.

Hangga't maari, hangga't kayang pilitin, sikaping maging tama ang mga mali sapagkat kung paulit-ulit ka na lamang na magfe-fail pagkatapos ng first time mo, siguradong may mali na sa pagkatao mo at hindi ito nangyayari for the first time.

"Bueno ang makaberdeng aral sa episode na ito: always do your best sa inyong first time para hindi kayo magfail sa kasabihang -- First impressions lasts.

- Carbonell, Obniala, & Villaruel Jr.

Cyber War

R.A. 10175 o mas kilalang Cybercrime Prevention Law. Ito ay batas kung saan magkakaroon na pataw na parusa sa kung sino man ang makagawa ng mga sumusunod:

Illegal access to a computer system

Illegal interception of data

Data interference, including intentional alteration or damaging of data

System interference, including damaging or altering computer data or programs as well as the use of viruses

Misuse of devices

payahag ukol sa cybercrime law

Use, production, sale, procurement, importation, distribution or making available without right of malware, passwords or codes

Cybersquatting

Computer-related forgery

Computer-related draud

Computer-related identity theft

Cybersex

Child pornography

Unsolicited commercial communication

ONLINE LIBEL

Ang pagkakaungkat ng online libel sa nasabing batas ang dahilan ng paghimutok ng buong komunidad ng cyberworld sa Pilipinas. Base kasi sa pagkakaintindi ng iba, ito ay isang kilos kung saan pinipigilan ang bawat user ng internet sa paglalahad ng nararamdaman nila ukol sa mga napapanahon  na isyu o hindi man.

Ang tanong, napapanahon na nga ba ang ganitong uri ng batas dito sa ating bansa? Hati ang opinyon ng mga tao. Pero karamihan, hindi sang-ayon. Ilang taon na nga ba kasi ang mga nagpatupad nito? Kalimitan lang sa mga senador ang my twitter, facebook at iba pang pang-communicate through cyberworld. Malayo ang agwat kung paano itrato ng mga kabataan at senador ang paggamit ng internet.

Opinyon ko lang, ginawa ba to ng gobyerno ng Pilipinas para ipakita na nakagawa sila ng isang bagay na hindi pa nagagawa ng mga 1^st world counctries? Biruin mo labing-dalawang taon ang pagkakakulong kapag nakalabag ka sa batas na ito. Wow. Nakakabilib. Sana ang corruption sa Pilipinas nasa Cyberworld din. Para naman ang mga gumagawa nito ay MATAKOT at MAWALA na.

Sa nangyaring ito, mas lalong naipakita na mas nakikilahok na ang sinasabing pag-asa ng bayan ni Jose Rizal. Mas mulat na ang lipunan sa mga isyu na pakiramdam nila’y tinatapakan ang mga karapatan nila.

Internet na lang sa ngayon ang pinakamdaling daan para makapaglahad ng saloobin dahilan sa accessible ito. Nasa makabagong henerasyon na tayo. Isip naman tyong. Hindi na ito Iskul Bukol.

-Suelan Jr.

       (Color It Red - Paglisan. Mula sa Youtube. http://www.youtube.com/watch?v=qd0W4XOJb00)

Ilang balde ng luha, ilang ilog ng pawis.

Ilang haplos, ilang yakap.

Ilang ngiti, ilang sulyap.

Ilang pagdaing, ilang hiling.

Ang naiipon ng iyong kaanak sa ibayong dagat para mapasaya ka?

Para ang kinabukasan mo ay gumanda.

Ilang araw, ilang buwan.

Ilang taon kaya ang ginugugol.

Ilang kaarawan at ilang gradwesyon.

Ang nawawala? Na ang dapat ay sila ang kasama mo,

Pero ibinabaling nalang nila sa ibang tao para din sayo.

Ilang kahon, ilang bagahe

Ilang muwebles, ilang pamasahe

Ilang damit, ilang sapatos

Ilang de lata, ilang sabon

Ang kanilang iniipon at isasama sa kanilang pag uwi?

Dala ang mga bagay na para sa iyo.

Ang paglisan nila, hindi trabaho sa ibang bansa ang paroroonan ng bawat byahe nila, bagkus ay ang pag uwi sa piling mo.

Kaya’t sa bawat Iyak, at tawa mong kasama sila.

Bawat ngiti, at sulyap

Bawat halik at yakap

Bawat subo ng pagkaing sila ang naghain

Bawat pag sabi nang salitang Mahal ko kayo.

At pag pabaon ng Pag ibig mo

Ilang araw, buwan at taon.

Ilang pawis, pagod, hinga nilang wala ka sa piling nila,

Ay mapapalitan ng Luha,

Luha ng Ligaya.

                                                                                                               ----MCD SALAYO

*Ang ilan sa mga salitang nakasaad dito ay nagmula mismo sa Pamilyang may kamag anak (Magulang, anak, atbp.) na nasa ibang bansa na nakausap ng Awtor. Ngunit hiniling nilang wag mailagay ang kanilang pangalan sa dahilang nais pa rin nilang isapribado ang kanilang pamilya, hiniling din nilang huwag nang kumuha ng larawan at video.

 Gininagalang ng Awtor ang kanilang hiling at bilang pasasamat sa kanilang pagunawa ay isinaad nalang sa ganitong kunteksto ng Awtor ang kanyang narinig at nasaksihan. 

FLAT nga, PINK naman!

36c.

Isang kombinasyon ng mga numero at letra.

Ninanais ngayon na maangkin ng ilan sa mga kaibigan nating mga babae.

Ito rin ang hinahanap na requirement ng ilan sa ating mga tropang lalake.

Sa panahon natin ngayon, hindi natin maipagkakailang mas lamang ang mga babae na may mayamang prutas kumpara sa mga babaeng hindi nabiyayaan ng mayamang prutas kung paguusapan ang maraming bagay lalong lalo na kung biswal na ideya ang mapagtritripan na topic.

Pero alam naman natin na WALANG KATOTOHANAN ang ideyang ito.

Oo aminin na natin, mas kapansin pansin nga ang mga babaeng may mayayamang prutas.

Nagkakaroon sila mas ng maraming boyfriend. Nagkakaroon sila ng mas maraming opportunities sa mga trabaho. Mas nagkakaroon sila ng excistence sa puno ng  kamunduhan nating bansa ngayon.

Pero talaga nga bang mas angat ang mga babaeng may mayamang prutas kaysa sa mga babaeng hindi nabigyan ng mayamang prutas?

Ang litratong ito ay kinuha sa Google.

SIYEMPRE HINDI.

Hindi lang naman sa sukat ng prutas ibinabase ang iba’t ibang bagay di ba?

Lahat ng kayang gawin ng mga babaeng pinagpala ang mga prutas ay kaya ring gawin ng mga babaeng hindi nabiyayaan.

Wala namang ipinagkaiba sa antas ng kahusayan ang mga babaeng may mayayamang prutas at ang mga babaeng hindi sinwerte na makakuha nito.

Kung tutuusin nga, ayon sa isang mapagkakatiwalaang source, mas epektibo sa trabaho ang mga babaeng hindi sinwerte na makakuha ng mayamang prutas. Ito ay sa kadahilanang mas nakakagalaw sila ng mas maayos at mas freely kumpara sa mga babaeng may mayayamang prutas.

Mas nagmumukang bata rin ang mga kaibigan nating mga babae na flat-chested. Mas nakakaiwas din sila sa mga sakit na may kaugnayan sa mga prutas tulad ng breasr cancer, back pains atbp. Mas madali rin silang makapamili ng mga damit na gusto nila dahil walang iba pang size na isinasaalang alang para lamang makapagsuot.

Mas nakakaiwas din sila sa mga manyakis na pagsipat ng mga taong puro kamunduhan lang din ang nalalaman ( basahin ang Prutas mo!!! Ingatan mo!!! Upang malaman ang mga dapat gawin para iwasan ang mga patingin tingin ng mga manyakis sa inyong prutas.).

Mas nakakalusot din sila sa mga siksikang pila at maliliit na espasyo kung may tinatakbuhan sila.  Hindi rin nila kailangang bigyan pa ng atensyon ang kanilang cleavage sa kahit ano na nais nilang isuot.

At siyempre, mas nakakahanap sila ng taong magmamahal sa pagkatao nila na hindi itumitingin sa sukat ng prutas. J

Kaya mga kaberde, sana ay ipagpatuloy niyo lang ang walang sawang pagmamahal sa inyong mga sarili. Ipagpasasalamat nalang natin ang kung anong meron sa atin. At least nabigyan tayo ng chance na mabuhay sa magulo ngunit masayang bansa na ito. Marami pa namang biyaya ang darating sa atin. Ahahaha! :D

Lagi lang sana nating pakatatandaan na ang kagandahan ay hindi ibinabase sa size ng bra. Salamat mga kaberde!!!

-- Villaruel Jr.

OH KASYA PA BA?

May tanong ako mga Ka IsipBerde. Bakit tayong mga Pilipino kung saan masikip dun tayo hilig sumiksik no? tulad ng sa litrato na yan.. ang Dami naman na tricycle sa Pilipinas bakit umaapaw pa din yan? Hirap na Delikado  pa. Wew!

Teka teka baka nga naman mas makakamura kapag madami kayo sasakay sa tricycle?  Pero mukhang hindi naman ata. Pwede naman maghintay ng next tricycle  bakit kailangan pa na sumiksik? Para kayong sardinas na pinilit sa loob ng isang latang maliit. Mga estudyante pa naman to oh.Ang babata pa!

Si manong naman tignan nyu oh!  Medyo nakangiti , siguro sa isip nyan madami na naman siyang kita. Sulit ung isang pasada. Pero manong naman oh. Hindi mo ba naisip yung kaligtasan ng mga batang yan? Yung tinuturing na mga Pag-asa ng bayan. Dahil lang ba sa 7 o 8 pesos nabayad pwede ka na mapahamak. No way pre!

Yung mga nanay naman ng mga batang to hindi naman ata pinapansin yung ganitong eksena na dinadanas ng mga anak nila. Dapat sinisita nila yan eh. Kaso hindi ata. Pagnapahamak yang mga bata tiyak iyak mga yun. Ang mga magulang ay may konting pagkakamali din na dapat matuto.

            Ang isang pampasaherong tricycle ay dapat may apat na sakay lang kasama na ang driver kapag sumobra dun. Excess passenger na angtawag pasok din sa reckless driving, tapos may multana 1300pesos with malupet na Seminar. Madaming ata kinita yung driver mas malaki naman multa kaya ikaw namang driver. Itigil na yan ok?

Mga Kaisipberde. Dapat matuto tayo na sumunod sa tama and alagaan ating kaligtasan ah? Wag na din sumiksik sa mga masisikip, madami pa naman sigurong masasakyan. Hintay nalang ng next na sasakyan kaysa naman mapahamak ka. Oh hindi nakasya ah!

 -          Obniala

Man Vs. Beast

Lumaganap nitong mga nakaraang araw ang sigalot sa pagitan ng mga enforcers at motorist. Sa isang dako, enforcer ang matapang(with matching kotong syempre) o minsan naman ay ang mga motoristang kala mo sing tapang ni Superman kung makapagangas at tipong siya lang ang tama sa mundo. Dumarami ang ganitong insidente. Sino nga ba ang may kasalanan ditto? O pwede na ba nating sabihin na “ano” ang dahilan nito?

Alam naman natin na sa daan nangyari ang mga kaguluhang ito. Tuwid nga ba ang dinadaanan natin? Kung titingnan natin, marami ang sanhi ng sigalot na ito.

Una, “TRAPIKO”. Walang kamatayang trapik. Hanggang sa maging diktatoryal na ata ang Pilipinas(kung magiging man) ay mayroon pa ding trapik. Ika nga ng isang manunulat, parte na din dawn g buhay natin ang trapik. Kasama na ng kamatayan at buwis. Hindi natin pwedeng iwasan as life goes on.  Pagdaan na lang ata sa ere ang solusyon para hindi magtrapik. Sana maimbento na iyon. Mabawas bawasan naman ang problema nating mga Pilipino.

Pangalawa, “disiplina”. Lingid sa kaalaman ko, hindi dumadaan sa mga training ang mga naitatalagang enforcers natin. Bumabase lang ata sa mga “resume o biodata” ng mga nag-aaply ang mga nauukulan. Ayun na nga. Yun ang kulang. Kung sasabayan mo nga naman ang init ng ulo ng mga naiipit sa trapik at wala kanga lam sa paghawak nito, World War III kayo. Sana magkarron ng mga programa ukol ditto. Kung paano ang tamang pagalalay sa mga motorista. Mabawasan na din sana ang mga “buwaya”. Baka sakaling hindi na magkaroon ng mga ganitong klase ng gulo.

Pangatlo, ang mga motorista mismo. Hindi naman sila lalapitan ng mga may kapangyarihan sa batas(pwera na lang kung kotong lang ang habol) kung wala silang nagawang paglabag sa batas trapiko. Ang hirap lang sa atin, lalo na sa mahilig sa pork ay mabilis ang pagiging highblood natin. Na napuipunta sa pagkawala ng control. Sa pagkawa ng disiplina at sobrang pagmamagaling natin, nakakalimutan natin na tao lamang tayo. Mabuting usapan na lang sana idaan ang mga ganitong hindi pagkakaunaawaan o pagkakasunduan. Alam mo yung “feeling” ng ganun. Swabe.

Ang galling no! konektado lahat. But wait, there’s more. Ang huling parte ng cycle nito ay… TAYO.-tayong mga ordinaryong mamamayan. Sa pagsubaybay natin sa mga ganitong eksena, andoon na ang takot, pangangamba. Pumapasok sa isip natin na hindi na ligtas ang tuwid na daan na sinasabi.

Masolusyunan sana ang ganitong simpleng gulong namumuo. Marami ng problema ang Pilipinas. Oh diyos ko. Dadagdag ka pa ba?

--Suelan Jr.